എന്തിനും ഏതിനും #eastern ഉൽപ്പന്നങ്ങൾ എന്ന് പറയുന്നത് പോലെ "നിർഭയ "എന്ന വാക്ക് ചേർത്ത് വിളിച് അവിയലുണ്ടാക്കാൻ തുടങ്ങിയിട്ട് നാളുകളെറയായി .ഇപ്പോഴിതാ പുതിയ ഒന്നുകൂടി നിർഭയ റോഡുകൾ.ഏത് പാതിരാത്രിക്കും സ്ത്രീകൾക്ക് സുരക്ഷിതമായി സഞ്ചരിക്കാൻ പറ്റുന്ന റോഡുകൾ ആണത്രേ അവ .എന്റെ അഭിപ്രായത്തിൽ അത് മാത്രം പോരാ നിർഭയ ഹോടെലുകൾ, നിർഭയ പാർക്ക് ,നിർഭയ തിയേറ്റർ ,നിർഭയ ഐസ് ക്രീം പാർലൗർ ,നിർഭയ തുണിക്കട അങ്ങനെ എന്തൊക്കെ നിർഭയ ആക്കാൻ പറ്റുമോ അതെല്ലാം ........... അതാക്കണം ..അങ്ങനെ ആയാലേ ഒരു പടി കൂടി കടന്നു ദിവിടെ നിർഭയ വീടുകളും പഞ്ചായത്തും ജില്ലയും സംസ്ഥാനവും തത്വാര നിർഭയ രാജ്യത്തിന് വേണ്ടി ഒരു നിർഭയ വിപ്ലവവും ഉണ്ടാകുകയുള്ളൂ . .
വർദ്ധിച്ചു വരുന്ന പീഡനങ്ങളുടെ കാരണം എന്താണെന്നു ചോദിച്ച ഒരു വിദ്വാനോട് നമ്മുടെ ഒരു പഴയ മുഖ്യൻ പറഞ്ഞ മറുപടിയാണ് ഓർമ വരുന്നത് "സ്ത്രീകൾ അവരാണ് കാരണം ,സ്ത്രീകൾ ഉള്ളടുതോളം കാലം ഇവിടെ പീഡനവും നടക്കും ..."
എല്ലാം നിർഭയം ആക്കാൻ ശ്രെമിക്കുന്ന സർക്കാരും സമൂഹവും ആദ്യം ചെയ്യേണ്ടത് സ്ത്രീ ഏതോ അന്യഗ്രഹ ജീവിയാണെന്നും അവൾക്കെന്തോക്കെയോ അധികം ഉണ്ടെന്നും പറഞ്ഞു പരത്തി ജാതിയും മതവും പോലെ വർഗ്ഗവും തിരിച് കാണിക്കാൻ ശ്രെമിക്കുന്ന ഈ നാറിയ ഏർപ്പാടുണ്ടെല്ലോ അത് നിർത്തണം.പുരുഷന്മാരെ പോലെ തന്നെയാണ് സ്ത്രീകളും, അവർക്കീ സമൂഹത്തിൽ തുല്യ അവകാശമാണുള്ളത് , അവർ ഒരു സുപ്രഭാതത്തിൽ പൊട്ടി മുളച്ചു വന്ന കുമിളകല്ല എന്നുളള സത്യം കുട്ടിയായിരിക്കുമ്പോൾ തന്നെ ഒരുവൻ മനസ്സിലാക്കണം. അതിനു ആദ്യം വേണ്ടത് പെണ്കുട്ടികൾക്ക് വേണ്ടി മാത്രമുള്ള സ്കൂളുകൾ നിർത്തലാക്കണം കാലാകാലമായി പിന്തുടരുന്ന ഇരിപ്പിടങ്ങളിലെ സ്ത്രീ സംവരണം അവസാനിപ്പിക്കണം.അവർ ഒന്നിച്ചിരിക്കുന്നത് കൊണ്ട് എന്താണ് പ്രശ്നം . ഞങ്ങളെ പോലെ തന്നെയാണ് അവരും എന്നുള്ള ചിന്ത കുട്ടികളിൽ തന്നെ വളർത്താൻ അത് സഹായിക്കുക മാത്രമേ ചെയ്യുകയുള്ളൂ .ഹൈസ്കൂൾ ക്ലാസ്സുകളിൽ തന്നെ ശരിയായ രീതിയിലുള്ള ലൈഗിഗ വിദ്യാഭ്യാസം നൽകൂന്നതിലൂടെ എന്തോ മറഞ്ഞിരുന്നു നേടേണ്ട അറിവാണ് അതെന്നുള്ള ചിന്ത മാറിക്കിട്ടും ..അല്ലാതെ വർഗ്ഗം തിരിച്ചുള്ള ഈ ഓഞ്ഞ പരിപാടിയിലൂടെ ഇവിടൊന്നും മാറാൻ പോകുനില്ല ..
വാൽ : സിനിമയെ കുറ്റം പറഞ്ഞ് സ്റ്റാറ്റസ് ഇട്ടതിനു ഈ അടുത്താണ് ഒരു പെണ്കുട്ടിക്ക് മർദനം ഏറ്റത് .ആകയാൽ ഇനിയിപ്പോ നിർഭയ പോസ്റ്റും കമന്റും സ്റ്റാറ്റസും വന്നാൽ അത്ഭുതപ്പെടേണ്ട ....
