' ക 'േ രളത്തിലെ
' സ 'െ ൻസർ ബോർഡുകൾക്ക്
' ബ 'ി ദെന്ത് പറ്റി ? ..
'നല്ല ' പച്ചത്തെറി നന്നായിട്ടും ,
'നല്ല' വഷളത്തരം 'നല്ല' പച്ചയ്ക്കും നിറച്ചു വെച്ചിരിക്കുന്ന
ഒരു 'നല്ല ' പടം , 'നല്ല 'പച്ച മലയാളത്തിൽ കണ്ടിട്ട് കുറച്ചായി .സെൻസർ ബോർഡിനും പിന്നെ രഞ്ജി പണിക്കരുടെ മോനും ഒരു 'നല്ല' നമസ്കാരം ഇരിക്കട്ടെ ,ഓജസ്സും തേജസ്സും പറ്റാതെ കസബയെ ഇങ്ങു എത്തിച്ചതിന് .
നിലവാരത്തിലും തിരക്കഥയിലും സിനിമയുടെ മേക്കിങ്ങിലും രണ്ട് വ്യത്യസ്ത ധ്രുവങ്ങളിൽ ആണെങ്കിലും സുൽത്താനും കസബയ്ക്കും പൊതുവായി പറയാവുന്ന ചില കാര്യങ്ങളുണ്ട് .
രണ്ട് സൂപ്പർ താരങ്ങളുടെയും അസാധ്യ സ്ക്രീൻ പ്രെസെൻസും കഥാപാത്രത്തിന് അവർ നൽകിയ ഊർജ്ജവും ഒരേ അളവിലാണ് കസബയിലും സുൽത്താനിലും .
സൽമാന്റെ കരിയറിലെ ഏറ്റവും മികച്ച കഥാപാത്രമായി സുൽത്താൻ മാറുമ്പോൾ ,താൻ ചെയ്ത്തിട്ടുള്ള പോലീസ് കഥാപാത്രങ്ങളിൽ നിന്നും തികച്ചും വ്യത്യസ്തമായ ഒന്നാക്കി രാജൻ സക്കറിയയെ മാറ്റാൻ മമ്മൂട്ടിക്കും സാധിച്ചു .
രാജൻ സക്കറിയയുടെ നടത്തവും പശ്ചാത്തലത്തിലുള്ള രാഹുൽ രാജിന്റെ മ്യൂസിക്കും , എതിരാളികളെ നിഷ്ഭ്രമമാക്കുന്ന സുൽത്താന്റെ ആ ട്രേഡ് മാർക്ക് മൂവും പശ്ചാത്തലത്തിലുള്ള 'ഹേ സുൽത്താൻ' എന്ന സോങ്ങും ഈ അടുത്ത് കണ്ടിട്ടുള്ളതിൽ വെച്ച് നിലവാരമുള്ള മാസ്സ് സീനുകളാണ് .
ഇതുവരെ കാണാത്ത തരത്തിൽ ഇന്റർ മീനിങ് ഡയലോഗുകൾ പറഞ്ഞ് മമ്മൂട്ടി രാജൻ സക്കറിയയായി കയ്യടി വാങ്ങുമ്പോൾ,
അധികം കണ്ടിട്ടില്ലാത്ത സൽമാന്റെ കഥാപാത്രത്തിലേക്കുള്ള ഇറങ്ങി ചെല്ലൽ സുൽത്താനിൽ കാണാം .
ശ്കതമായ സ്ത്രീ കഥാപാത്രങ്ങൾ ഈ രണ്ട് സിനിമയുടെയും പൊതുവായ മറ്റൊരു കാര്യമാണ് , ആർഭയും കമലയും .
സ്ക്രീൻ ടൈം കുറവാണെങ്കിലും സുൽത്താനിൽ രൺദീപ് ഹൂഡയും കസബയിൽ സിദ്ധീക്കും മികച്ചു നിന്നു .
മാസ്സും ക്ലാസ്സും കലർന്ന ഡയലോഗ് എഴുതി സംവിധായകൻ സുൽത്താനിൽ കയ്യടി വാങ്ങുമ്പോൾ കഥാപാത്രങ്ങൾക്ക് 'വ്യത്യസ്തമായ' ഡയലോഗുകൾ നല്കി കസബയിലെ സംവിധായകനും കയ്യടി വാങ്ങുന്നു .( നിതിനെ ദുർഗ്ഗുണപരിഹാര പാഠശാലയിലേക്ക് വിടണമെന്ന വാദങ്ങളെ നിഷ്കരുണം പുച്ഛിച്ചു തള്ളുന്നു :) )
വളരെ കുറെ നാളുകൾക്കു ശേഷം മമ്മൂട്ടിയുടെ ഒരു മാസ്സ് ഫിലിം കാണാം എന്ന പ്രതീക്ഷയോടെ കസബയ്ക്ക് ടിക്കറ്റ് എടുത്തു .മമ്മൂട്ടി രാജൻ സക്കറിയയായി തകർക്കുന്നത് കാണാൻ പറ്റി .സംതൃപ്തൻ .
നിലവാരമുള്ള ഒരു സൽമാൻ ചിത്രം എന്ന മുൻവിധിയോടെ സുൽത്താന്
ടിക്കറ്റ് എടുത്തു .പ്രതീക്ഷ നിറവേറ്റി പൂർണ്ണ സംതൃപ്തി നൽകി സുൽത്താൻ .
Kudos to the entire team of sultan.And salute to mammukka for his outstanding energy at this age. :)
